"هل فشل سمير الوافي " إنسانياً

في تدوينة لها على حسابها الخاص بفايس بوك، عبرت شقيقة الصحفي والمنشط التلفزي سمير الوافي عن مدى صدمتهاو  خيبة أمل أخيها في كل من احاطوا بهم ذات يوم  في صيغة أصدقاء ومقربين من فنانين وسياسيين واعلاميين، والذين تنكروا له فجأة بعد أن كانوا يلاحقونه في كل مكان، مستدلة بذلك الحضور المكثف أيام زفافه. والسؤال الذي يفرض نفسه هنا : مقابل ذلك النجاح الباهر الذي توج به سمير الوافي مسيرته المهنية ، هل فشل « إنسانياً » ؟  ربما كانت هذه الأزمة فرصة لإعادة حساباته وتنظيم اولوياته :

لحياة دروس.. والدنيا تجارب.. »
عمناول الوقت هذا قريب 7ماي2017 وقريب عرس سمير الوافي, التحضيرات والاستدعاءات واسمع ياللى ما تسمعش والشخصيات لكل تحب تحضر في عرس الوافي, والناس لكل بالهلالو سياسيين بالصف حاضرين في تونس وخالطين لزغوان فنانين ومسؤولين في الدولة وين نحطك يا طبق الورد في عرس الاعلامي السياسي الاول في تونس ولد الوافي ,كانوا يراو فيه الاعلامي الاكثر شهرة, الشخصية المؤثرة, الكاريزما والقبول والى عندو كلمتو ووزنو في البلاد لكن…
اول عثرة تعثرها وبعد شهر من عرسو طاحو لكل تالى, تنكرولو, حكمو عليها قبل ما يحكم القضاء, جبدو رواحهم والتزمو الصمت قدام عروس جديد بعد شهر من عرسو يلقى روحو في قضايا تلفقتلو منا ومنا, يلقى روحو وحدو معاه كان عائلتو ومرتو وكعبتين مالاصحاب ومعاه ربي الى ما يخلي حد بالطبيعة, تكشفت الاقنعة في ظرف شهر بعد العرس وبان كل حد على حقيقتو
والسنة في نفس التاريخ من 7 ماي 2017 الى 7 ماي 2018 التاريخ يعيد نفسه, الى اعتبرهم اصحاب وطلعو مصلحجية ومنافقين لليوم باخلين عليه حتى بكلمة حق.. ومرتو الى خطفوه من قدامها وهي عروسة شهر مازالت صامدة تستنا برغم الى تمناو يبعدوها عليه.. ام تستنى لليوم 10 شهر ماشفتوش, فرحت بيه عروس ياخي خطفوه منها..
حكاية سمير تتكتب مسلسل.. فيلم تراجيدي.. معبي بالدروس والعبر ويلخص دولة يصعب فيها تطبيق القانون, شهرة ونجاح يطلع ثمنهم غالى برشة, ناس بهيئة اصحاب وبروح وشخصية منافقين.. واكيد الممثلين المسؤولين والسياسيين وبرشة مالزملاء الى زعمة زعمة اصحاب, والمخرج الشخصيات المختفية الى تعطل فيه ومعرضتلو في الدورة..
والبطل بالطبيعة سمير الوافي خاطر مهما صار فيه صامد وقوي وثقتو في ربي كبيرة
« والنهاية مش تكون سعيدة والحق لازم يظهر وعلى قريب زاده..