بسبب تصريحاتها : فاتن الفازع مهددة بفقدان حضانة ابنائها 

نشرت المحامية والكاتبة درة الفازع صباح هذا اليوم تدوينة تحدثت فيها عما تعانيه اليوم اختها، الكاتبة فاتن الفازع بسبب تعبيرها عن أرائها بكل حرية، وفسرت أنها في كل مرة تتحدث فيها عن مواقفها  ، كانت تعاني الأمرين، من حملات فيسبوكية شنيعة، غير أن، ظهورها  الأخير، وتصريحاتها بخصوص حرية ابنتها في إختيار منهج حياتها، كلفها الكثير وربما سيكلفها الأكثر، إذ تجد فاتن الفازع نفسها اليوم مهددة بفقدان حضانة ابنائها، وذلك بعد أن رفع طليقها دعوة قضائية ضدها :  

« يمكن عمري ما حكيت على فاتن اختي وعلاقتي بيها، قعدت نحاول نحترم المسافة متاع حريتها و طريقتها في الكلام اللي ما كنتش نتوافق معاها ديما اما اللي يعرفنا يعرف اللي احنا قراب برشة من بعضنا رغم اللي مبدئيا عندنا تركيبة نفسية و شخصيات مختلفة تماما، انا انسانة ما نحبش الحس وعندي استعداد نبطل اي حاجة تمس من سلامتي النفسية و كان مرور فاتن كل مرة في الاعلام والسحل اللي تتعرضلوا والشتم يمرضني ويخليني نبعد على وسائل التواصل الاجتماعي ، اخر حكاية صارت وقتلي تعدات فاتن وقالت اللي هي تعتبر ان بنتها حرة في حياتها كانت صعيبة علينا الكل ، هي اساسا و انا زادا ، كنت نحب نفهمها اللي نقولوه في الخاص موش بالضرورة نقولوه في العام … اليوم طليق اختي مقدم قضية يحب ياخذ الحضانة معتبر ان فاتن خطر على بنتها و يمكن تتحرم اختي من بنتها… السيد ترجم الكومنترات متاع شعبنا السمح المتشبع بالاخلاق ، هذا الشعب اللي يسب في طفلة صغيرة… عمرها تسعة سنين خاطر امها قالت اللي هي تحب تربيها حرة… حسيلو اليوم قلبي حزين من كمية الكره والحقد والازمات اللي تعرضتلها اختي ولكن تكويني كمحامية يخليني مطمئنة نسبيا ولكن في قضايا الحضانة يقعد كل شي وارد… بالطبيعة هي في بلاد وانا في بلاد… هي وحدها غادي في الغربة تحارب في ماكينة كاملة …je me sens profondément triste »