×

ليلى طوبال لنصاف بن علية :  » الي يصدم على حرب يا يكملها يا يخلي لبلاصة لغيرو »

  • ليلى طوبال لنصاف بن علية :  » الي يصدم على حرب يا يكملها يا يخلي لبلاصة لغيرو »
لقيتلكم زنس مخرج لمسلسل رمضان عام الجاي كان قعدنا من اهل الدنيا ، حاجة ما فمْاش، حاجة تفلق الراس اتكسر الدنيا… اك السيد الي عملنا فيديو نصاف بن علية بالابيض والاسود وهي منهارة، gros plan على عينيها، وموسيقى من قاع الوقيع متاع الدراما، هي تقول المنظومة الصحية انهارت وهو يقوٌي في موسيقى الحزن، ويبعد الكاميرا على وجهها ، هي تقول المركب غرق وهو يزيد يغرق في الموسيقى المأساوية ويعمل خطفة لعينيها.
اش ها السخط متاع الابداع، كي شفت الفيديو بعد ما عنقت علولو- يسلم عليكم- مشيت للقبار قتلو خويا بقداش القبورات ، خلي واحد يضمٌن تربة يتدفن فيها.
كلمة صغيرة للدكتورة، حبيناك واحترمناك ، اما الي يصدم على حرب يا يكملها يا يخلي لبلاصة لغيرو ، وبعد اكثر من عام ما فهمتوش الي اتصال « الصدمة » ما يمشيش مع التوانسة، ياخي نسيتو في ملحمة بن ڤردان خالطين عالارهبيين بالعصي.
كان عندكم الوقت الكافي باش تجنبونا هالكارثة، وكان الحكومة ما سمعتكمش كان في متناولكم شرف الاستقالة.

DOSSIERS SPÉCIAUX