×
  • Bruncher en famille

وحيدة الدريدي ترُدُّ بقوة

  • وحيدة الدريدي ترُدُّ بقوة

رغم أنه لم تمر سوى حلقتين منذ بدأ عرض الجزء الرابع من مسلسل أولاد مفيدة للمخرج سامي الفهري إلا ٱن موجة الإنتقادات لهذا العمل كانت شديدة و خصوصا على مواقع التواصل الإجتماعي وكردّ لها على كل تلك الأسهم كتبت وحيدة الدريدي إحدى بطلات المسلسل على حسابها بالفايسبوك فقالت:

« الي اطالبوا بمقاطعة « اولاد مفيدة » من الأولياء عندكم الحق: « بالفعل قداش منو الواحد. المخدرات أمام المدارس الابتدائية والإعدادية تتوزع على الصغيرات ونزيدو نحطوها في المسلسل ياسر … رجال الأمن يقتلوهم المهربين في الطرقات ويدهسوهم بكراهبهم ويلوذون بالفرار ولا أسف على الفقيد ..ذبحوا الرائد في مفترق باردو أمام مجلس النواب ولا تبعيات و لا إعدام للفاعل… ذبح الجنود في الشمال الغربي والحقوقيين يدافعون على حقوق الإنسان ومنع إعدام الفاعل … وتزيد عليهم « أولاد مفيدة » …الحق ياسر ..خاطر أولادهم ما قراوش المصايب هذي في تليفوناتهم الي ما تفارقهمش لحظة وما شافوش تصاور ذبح الراعي البريء..

عندكم الحق …كلام بذيء في الشارع وفي القهاوي وفي تعليقات الفايس بوك ويكتبوا فيها أولادكم ..وتزيدو تشوفوها في المسلسل ياسر الحق…
بيرة في يد الطفلة …. إفساد الشبيبة ..خاطر شواطئ الضاحية الشمالية في الشتاء والصيف وبقية البحورات مافيهاش بنات وأطفال يدفعوا الفلوس لمنحرفين راشدين باش يشريولهم ويشربوا دون السن القانونية…
عندكم ألف حق … خاطر الشباب الي لابس تليفوناتوا حتى لوجوه الصباح في بيوتهم ..ما احلوش صفحاتpornogr .

خاطر مش قاعدين يلعبواjeu electronique …خطير جدا وعنيف جدا ومدمنون على هذه الالعاب ..والاولياء وكانهم مغيبون…

معكم ألف حق ..أطفالنا منقطعون عن التكنولوجيا الحديثة في تونس … وأولاد مفيدة السيناريو جاء من المريخ .. لإفساد المدينة الفاضلة…

تونس ..حيث لا عنف ..ولا خرق للقانون ..ولا خمر ..ولا مخدرات ..ولا اغتصابات .. ولا سرقات ..ولا خيانات للبلد ..ولا هتك للاعراض ..حيث اطفالنا لا يسمعون حتى مجرد السمع بالمخدرات والقتل ولا يقع التحرش بهم في الشارع ..ولا براكاجات لاطفالنا ولا عنف داخل وأمام المدارس … فعلا… لأن شهر رمضان في شوارعنا انقطع فيه العنف والكلام البذيء والخطف والنفاق والغش … لأننا الشعب الملاك ..اهلا وسهلا ».

DOSSIERS SPÉCIAUX