بقلم : خديجة بن محمد –
نحنا النساء مستحقين أربعة رجال في حياتنا مش بالعدد اما بالروح والنفس هاو باش نفسرلكم كيفاه مستحقين راجل كزوج الي يلبيلنا رغباتنا الحياتية يخمم على مستقبل العائلة يقوم بواجباتو الاجتماعية هو الزوج الي تنجم تعمل عليه باختصار زوج الاستقرار ومستحقين لراجل ثاني راجل يكون صديق هو الي يخلي الضحكة متغيبش على وجهك هو الي تسمع منو النكتة القبيحة مايحشمش ومايخافش كي يحكيلك على علاقاتو كي كان عازب مع النساء هو الراجل الي مايبنيش بينك وبينو حيط مالبروتوكولات الباردة كي يتعامل معاك اعتبار على يتعامل مع النفس متاعو باختصار زوج الجو والهبال والزوج الثالث هو الحبيب هو الحب والغرام هو الرومنسية هو الي يقلك كلام الحب ويدندنلك في وذنك بغناية هو الي تحكي معاه للصباح وماتتعبش باختصار هو الحب والحنان والزوج الرابع هو العشيق هو الي تعيش معاه الجريمة هو الي تقابلو في الضلام وتتخبى عندو هو الي تنجم تعيش معاه المتعة تسرقو من بعضكم اللذة منغير كلام لكن تعيشو ثمالة من نوع اخر كيما قالت ام كلثوم هل راى الحب سكارى مثلنا ….. باختصار هو زوج الابهار والمتعة
ومختصر الحديث صحة للي لقات راجل فيه اربعة رجال